Spiker: Bişkek Bakı və İrəvan arasında sülh sazişinin imzalanması üçün platforma təqdim etməyə hazırdır

Qırğızıstan Azərbaycan və Ermənistan arasında sülh sazişinin imzalanması üçün platforma təqdim etməyə hazırdır.

“Report” Ermənistan parlamentinin mətbuat xidmətinə istinadən xəbər verir ki, bunu Qırğızıstan parlamentinin sədri Nurlanbek Turqunbek İrəvanda erməni həmkarı Alen Simonyanla danışıqlar zamanı bildirib.

"Qırğızıstan Ermənistan və Azərbaycan arasında sülh sazişinin imzalanması üçün platforma təqdim etməyə hazırdır", - o vurğulayıb.

Qeyd edək ki, Qırğızıstan parlamentinin spikeri “Yerevan Dialogue” beynəlxalq konfransında iştirak edir.