Rusiyada tramvayların toqquşması nəticəsində xəsarət alanların sayı 146-a çatıb - YENİLƏNİB

Rusiyanın Kemerovo şəhərində Tom çayı üzərindəki Kuznetski körpüsünün başlanğıcında iki tramvayın toqquşması nəticəsində xəsarət alanların sayı 146 nəfərə çatıb.

“Report” TASS-a istinadən xəbər verir ki, bu barədə qəzadan sonra yaradılmış operativ qərargahdan məlumat verilib.

Bildirilib ki, 126 nəfər artıq evə buraxılıb, 20 nəfər isə xəstəxanada müalicə alır.

09:41

Rusiyanın Kemerovo şəhərində Tom çayı üzərindəki Kuznetski körpüsünün başlanğıcında iki tramvayın toqquşması nəticəsində yaralananların sayı 130 nəfərə çatıb.

“Report” TASS-a istinadən xəbər verir ki, bu barədə əməliyyat xidmətləri məlumat yayıb.

Məlumata görə, ölənlərin sayı ümumilikdə 1 nəfər təşkil edir.