Putin və Modi Pahalqamdakı terror aktını müzakirə ediblər

Hindistanın Baş naziri Narendra Modi və Rusiya Prezidenti Vladimir Putin telefon danışığı zamanı Pahalqamda baş vermiş son terror aktını müzakirə ediblər.

“Report” Rusiya KİV-inə istinadən xəbər verir ki, bu barədə Kremlin mətbuat xidməti məlumat yayıb.

Putin vurğulayıb ki, hücumu törədənlər və onların tərəfdarları məsuliyyətə cəlb edilməlidirlər.

Söhbət zamanı Modi və Putin Rusiya-Hindistan tərəfdaşlığının daha da gücləndirilməsinə sadiq olduqlarını təsdiq ediblər.

Bundan əlavə, Putin Modinin yüksək səviyyədə ənənəvi illik ikitərəfli görüşün keçirilməsi üçün Hindistana səfər dəvətini qəbul edib.