Peskov: İrəvan və Bakının normallaşma istiqamətində müstəqil səylərini alqışlayacağıq

Rusiya Ermənistan və Azərbaycan arasında normallaşmaya kömək etməyə hazırdır, lakin eyni zamanda iki tərəfin müstəqil səylərini alqışlayacaq.

“Report” Rusiya KİV-ə istinadən xəbər verir ki, bunu ölkə prezidentinin mətbuat katibi Dmitri Peskov Ermənistan parlamentinin spikeri Alen Simonyanın İrəvanın bu məsələdə Moskvanın vasitəçiliyinə çətin ki razı olacağı barədə bəyanatını şərh edərkən deyib.

"Hər cür mümkün yardım göstərməyə hazırlığımızı qorumaqla müstəqil səyləri alqışlayacağıq. Əsas odur ki, Cənubi Qafqaz proqnozlaşdırıla bilən region olaraq qalsın və həqiqətən də rifahın hökm sürdüyü əməkdaşlıq ərazisinə çevrilsin", - o bildirib.