Ermənistan baş naziri: Vətəndaşlarımız Aİ ölkələrinə viza almaqda çətinlik çəkirlər

Ermənistan baş naziri Nikol Paşinyan ölkə vətəndaşlarının Avropa İttifaqı (Aİ) ölkələrinə viza almaqda problemlərlə üzləşdiklərini bildirib.

“Report” xəbər verir ki, o, bu barədə hökumətin iclasında bəyan edib.

Onun sözlərinə görə, Ermənistan XİN və avropalı həmkarları buna səbəb kimi Avropaya gedən insanların sayının dəfələrlə artmasını göstərirlər.

Baş nazir qeyd edib ki, Aİ ölkələrinin səfirlikləri orta və uzunmüddətli planlarının olduğunu, bu və ya digər ölkədə öz viza mərkəzlərini bu proqnozlara uyğun inkişaf etdirdiklərini bildirirlər.