İbrahim Rəisi dəfn edilib - YENİLƏNİB

Helikopter qəzasında dünyasını dəyişən İran Prezidenti İbrahim Rəisi Məşhəd şəhərindəki İmam Rza türbəsində dəfn edilib.

“Report” xəbər verir ki, bu barədə IRIB telekanalı məlumat yayıb.

İmam Rza türbəsində çox sayda insan mərhum prezidentin dəfn mərasimində iştirak edib.

Helikopter qəzasında həlak olan İran Prezidenti İbrahim Rəisinin Məşhəd şəhərində dəfn mərasimi başlayıb.

“Report” TASS-a istinadən xəbər verir ki, SNN telekanalı dəfn mərasimini canlı yayımlayır.

Cənubi Xorasan əyalətinin Bircend şəhərində keçirilən vida mərasimindən sonra İ.Rəisinin tabutu Məşhədə çatdırılıb.

IRNA-nın verdiyi məlumata görə, Məşhəd şəhərinin küçələrində 3 milyona yaxın insan toplaşıb.