Gürcüstanda əlavə məhdudlaşdırıcı tədbirlər tətbiq olunacaq

Gürcüstanda koronavirus infeksiyasının yayılmasının qarşısını almaq üçün əlavə məhdudiyyətlərin tətbiqi nəzərdə tutulur.

“Report”un yerli bürosu xəbər verir ki, bu barədə ölkənin Baş naziri Giorgi Qaxaria bildirib.

Onun sözlərinə görə, ölkədəki son siyasi proseslər virusun yayılması dinamikasının artacağını deməyə əsas verir.

G.Qaxaria ölkə üzrə sistemli məhdudiyyətlərin olmayacağını qeyd edib.

Baş nazirin müavini Maya Tskitişvili öz növbəsində bildirib ki, axşam və ya gecə saatlarında, bazar günləri və ya həftənin hansısa bir günündə vətəndaşların hərəkətinə məhdudiyyətlər qoyula bilər:

“Nəqliyyatın hərəkəti, ticarət mərkəzləri, bazar və yarmarkaların işinin də müəyyən günlərdə dayandırılması planlaşdırılır”.