Gürcüstanda daha 148 nəfər koronavirusa yoluxub

Gürcüstanda son sutkada koronavirusa 148 yeni yoluxma faktı təsdiqlənib, 425 nəfər müalicə olunaraq sağalıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Məlumata əsasən, daha 1 nəfər vəfat edib.

Hazırkı dövrədək qonşu ölkədə COVID-19 infeksiyası 1 651 470 nəfərdə aşkarlanıb. Onların 1 631 434-ü sağalıb, 16 771-i isə ölüb.