Ermənistana gələnlərin sayı azalıb

Cari ilin yanvar-iyun aylarında Ermənistanın iki hava limanında ("Zvartnots" və "Şirak") sərnişin axını 2 milyon 358 min 511 nəfər təşkil edib ki, bu da 2023-cü ilin analoji dövrü ilə müqayisədə 43 269 nəfər azdır.

Bu barədə “Report” yerli mətbuata istinadən xəbər verir.

Qeyd olunan müddət ərzində "Zvartnots" hava limanında sərnişin axını 2 310 793 nəfər, "Şirak" hava limanında isə 47 718 nəfər təşkil edib.

Ermənistanın iki hava limanında sərnişin axını 2023-cü ilin birinci yarısında 2 milyon 401 min 780 nəfər, 2022-ci ilin eyni dövründə 1 milyon 356 min 368 nəfər, 2021-ci ilin yanvar-iyun aylarında isə 771 min 992 nəfər təşkil edib.