Daha bir ölkədə koronavirusa ilk yoluxma faktı qeydə alındı

Mərkəzi Asiya ölkəsi Tacikistanda koronavirusa ilk yoluxma halları aşkarlanıb.

“Report” xəbər verir ki, bu barədə məlumat Birinci dövlət telekanalında açıqlanıb.

Məlumata görə, infeksiya 15 nəfərdə qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 3 232 000-i ötüb. Bunların 1 008 496 nəfəri sağalıb, 228 517 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.