Çavuşoğlu: “Suriya ilə münasibətlərdə irəliləyiş ilkin şərtlər olmadan mümkündür”

“Suriya ilə münasibətlərin normallaşdırılmasında irəliləyiş ilkin şərtlər olmadan mümkündür”.

“Report” “Habertürk”ə istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib.

“Ancaq bu, Suriya hakimiyyətinin yanaşmasından asılıdır və əgər ilkin şərtlər varsa, deyərlər ki, Silahlı Qüvvələrinizi köçürün, onda irəliləyişdən danışmağa ehtiyac yoxdur. Amma biz yol xəritəsi çərçivəsində atacağımız konkret addımları müəyyən etsək, o zaman bəzi sürətli addımlar mümkündür” – deyə, o vurğulayıb.

Çavuşoğlu bir müddət əvvəl rusiyalı həmkarı Sergey Lavrovla görüşmək və Suriya üzrə dördtərəfli danışıqlarda iştirak etmək üçün mayın 10-da Moskvaya gedəcəyini bildirmişdi.