Şuşada qar örtüyünün hündürlüyü 15 sm-ə çatıb

Şuşa şəhərində qar yağmaqda davam edir.

"Report"un Şuşaya ezam olunan əməkdaşı xəbər verir ki, hazırda şəhər ərazisində qar örtüyünün hündürlüyü, təxminən, 13-15 sm-ə çatıb.

Buna baxmayaraq, yollarda nəqliyyatın hərəkətində məhdudiyyət yoxdur. Aidiyyəti qurumların əməkdaşları tərəfindən yollarda qarın təmizlənməsi işləri aparılır, küçələrə qum və duz səpilir, hərəkətin təhlükəsizliyinin təmin olunması məqsədilə tədbirlər görülür.

Qeyd edək ki, yanvarın 7-si gecə saatlarından başlayaraq Şuşa şəhərinə qar yağır.