Əhliman Əmiraslanov: "Peyvənddən imtina edən şəxslər dövlət hesabına müalicə olunmayacaq"

"Koronavirus əleyhinə peyvənddən imtina edən və bu xəstəliyə tutulan şəxslərin müalicəsinin dövlət hesabına qarşılanması məsələsi gündəmdə deyil və gələcəkdə necə olacağını bilmirəm".

"Report" xəbər verir ki, bunu Milli Məclisin bu gün keçirilən plenar iclasında parlamentin səhiyyə komitəsinin sədri Əhliman Əmiraslanov deyib.

Sədr həmçinin Prezidentin sərəncamı ilə icbari tibbi sığorta xidmətlərindən pulsuz yararlanan siyahıdakı şəxslərin (pensiya alanlar, şəhid ailələri, hamilələr, uşaqlar, tələbələr və s.) xidmətlər zərfinə aid olan 1500 pullu xidmətlərdəki istifadə qaydalarına da aydınlıq gətirib: "Bu məsələ aidiyyəti qurumlarla müzakirə olunub. Əminliklə bildirilib ki, dövlət büdcəsindən sığortası qarşılanan şəxslərin müalicələri bundan sonra da pulsuz olaraq davam edəcək".