“Qafqazinfo”nun 13 yaşı tamam olur

Bu gün “Qafqazinfo” internet qəzetinin fəaliyyətə başlamasının ildönümüdür.

“Report” xəbər verir ki, portalın 13 yaşı tamam olur.

“Qafqazinfo.az" internet qəzeti 2010-cu il avqustun 16-da fəaliyyətə başlayıb və müstəqil informasiya siyasəti həyata keçirən media qurumudur.

www.qafqazinfo.az saytında Azərbaycanın ictimai, siyasi, sosial və mədəni həyatında olan yeniliklərlə bərabər, digər Qafqaz ölkələrində, habelə dünyada baş verən maraqlı xəbərlər oxuculara çatdırılır.

“Qafqazinfo”nun hazırda 28 rəsmi əməkdaşı var. Bundan başqa, paytaxtdan kənar xəbərləri vətəndaşlara daha dəqiq çatdırmaq məqsədilə bölgə müxbirləri də işə cəlb olunub. Sutkalıq rejimdə, 24 saat ərzində yenilənən xəbər portalı 3 növbəli sistemlə işləyir.

Gün ərzində saytda 100-dən çox xəbər dərc edilir ki, bunlar müxtəlif sahələri əhatə edir. Ən çox oxunan xəbər saytlarından biri olan “Qafqazinfo” oxucusuna istər ölkədaxili, istərsə də dünya hadisələrindən anında xəbər tutmaq imkanı verir. Oxucularını tək-tək toplayan sayt 8 müxtəlif sahəni əhatə edən bölməsi ilə bütün sosial qruplara hədəflənib.

“Report” İnformasiya Agentliyinin kollektivi “Qafqazinfo”da çalışan həmkarlarını təbrik edir, onlara möhkəm cansağlığı və yeni yaradıcılıq uğurları arzulayır!