"HaberGlobal" İlham Əliyevlə Vladimir Putin arasındakı telefon danışığı ilə bağlı süjet hazırlayıb

"HaberGlobal" telekanalı Rusiya Prezidenti Vladimir Putin və Azərbaycan Prezidenti İlham Əliyev arasında baş tutan telefon danışığı ilə bağlı süjet hazırlayıb.

"Report" xəbər verir ki, süjetdə prezidentlər arasında baş tutan telefon danışığında müzakirə edilən məsələlər yer alıb.

Həmçinin V.Putinin Bakı-Qroznı marşrutu üzrə uçuş yerinə yetirən “Azərbaycan Hava Yolları”na məxsus sərnişin təyyarəsinin Rusiyanın hava məkanında fiziki-texniki xarakterli kənar müdaxiləyə məruz qalması və nəticədə baş vermiş faciəvi hadisə ilə bağlı üzrxahlığı ifadə etməsinə toxunulub.