Azərbaycan radiolarının bütün ölkə ərazisində yayımı üçün təkliflər hazırlanıb

Azərbaycanda ümumölkə yerüstü radio lisenziyası almış radio yayımçılarının bütün ölkə ərazisinin hüdudlarında yayımı üçün təkliflər hazırlanıb və bir çox aidiyyəti qurumlarla razılaşdırılıb.

“Report” xəbər verir ki, bu sözləri Audiovizual Şuranın sədri İsmət Səttarov ilin yekunları ilə bağlı keçirilən mətbuat konfransında deyib.

Onun sözlərinə görə, bu, hələ layihə əsaslı təklifdir:

"Təklif olaraq bunu aidiyyəti yuxarı qurumlara göndərmişik. Reallaşdırılması olacaq ya yox, çünki problemin həll olunması böyük maliyyə vəsaiti tələb edir. Əgər olsa gələn ildən həmin problem aradan qaldırıla bilər".