Ələkbər Məmmədov: “Əminəm ki, “ASAN imza”nın qiymətinə yenidən baxılacaq”

Bakı. 22 yanvar. REPORT.AZ/ “Statistika göstərir ki, 2018-ci ildə Azərbaycanda "ASAN imza" (mobil imza) alanların sayı 2,5 dəfə artıb". 

“Report” xəbər verir ki, bunu Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədov deyib.

"Azərbaycanda MMC-lərin ilkin qeydiyyatı “ASAN imza”ya ehtiyac olmadan FİN kod vasitəsi ilə aparılacaq. Sonrakı mərhələlərdə isə rahatlıq üçün "ASAN imza" lazımdır. Mobil imzadan istifadə edənlərin sayı artdıqca, əminəm ki, onun qiymətinə yenidən baxılacaq. Amma bu məsələ Nazirliyin səlahiyyətində deyil”, - deyə o qeyd edib.