“Xalq Kapital İnvestisiya Şirkəti” ötən ili mənfəətlə başa vurub

“Xalq Kapital İnvestisiya Şirkəti” QSC 2020-ci ili 58 min manat xalis mənfəətlə başa vurub.

“Report” qurumun maliyyə hesabatına istinadən xəbər verir ki, bu, 2019-cu illə müqayisədə 14,7% azdır.

Ötən il “Xalq Kapital"ın vergiyəqədərki mənfəəti 74 min manat (14% az), mənfəət vergisi ödəmələri isə 15 min manat (16,7% az) təşkil edib.

Bu il yanvarın 1-nə “Xalq Kapital"ın aktivləri 688 min manat olub ki, bu da illik müqayisədə 12,4% çoxdur. Hesabat dövründə investisiya şirkətinin öhdəlikləri 4,4 dəfə artaraq 22 min manata, balans kapitalı isə 9,5% artaraq 666 min manata çatıb.

Xatırladaq ki, “Xalq Kapital” 2007-ci ildə yaradılıb. Onun nizamnamə kapitalı 420 min manatdır. İnvestisiya şirkətinin səhmdarı 100% “Xalq Bank” ASC-dir.