"PAŞA Bank Gürcüstan"ın Baş direktoru istefa verib

"PAŞA Bank" ASC-nin Gürcüstandakı törəməsinin Baş direktoru Nikoloz Şurqaya istefa verib.

“Report” xəbər verir ki, onun yerinə hələ ki, təyinat olmayıb.

"PAŞA Bank Gürcüstan" bəyan edib ki, beynəlxalq sanksiyalara və Gürcüstan qanunvericiliyinin tələblərinə uyğun olaraq fəaliyyətini adi rejimdə davam etdirir, yeni Baş direktoru Gürcüstan Milli Bankı təsdiqləyən kimi onun barəsində məlumat veriləcək.

Xatırladaq ki, "PAŞA Bank Gürcüstan" 2013-cü ildən fəaliyyətə başlayıb. Onun nizamnamə kapitalı 129 milyon laridir (81,3 milyon manat).