Naxçıvan iqtisadiyyatına investisiya qoyuluşu 20 % azalıb

Bu ilin yanvar-iyul aylarında Naxçıvan Muxtar Respublikasında iqtisadiyyatın və sosial sahələrin inkişafı üçün bütün maliyyə mənbələrindən əsas kapitala 81 milyon 143 min 900 manat vəsait yönəldilib.

Bu barədə “Report”un yerli bürosuna Naxçıvan Dövlət Statistika Komitəsindən məlumat verilib.

Bildirilib ki, bu, bir il öncəki göstəricidən 20 % azdır.

Əsas kapitala vəsait qoyuluşunun 65 milyon 238 min 700 manatı və ya 80,4 %-i tikinti-quraşdırma işlərinin payına düşüb ki, bu da 2023-cü ilin müvafiq dövrü ilə müqayisədə 17,5 % azdır.