BFB: İnvestorlara təqdim edilən məlumatlar ən başadüşülən formada olmalıdır

Azərbaycanda bütün investorlar və yaxud istifadəçilər üçün təqdim edilən məlumatlar ən başadüşülən formada olmalıdır.

"Report" xəbər verir ki, bunu "Bakı Fond Birjası" QSC-nin (BFB) İdarə Heyətinin sədri Ruslan Xəlilov "PAŞA Holdinq" MMC-nin təşkilatçılığı ilə Bakıda keçirilən “INMerge” Innovasiya Sammitində bildirib.

"Biz yuxarıda qeyd olunanları nəzərə alaraq texnologiya və məlumat infrastrukturunu inkişaf etdirməyi hədəfləyirik. Bundan əlavə, məlumatları təkcə ticarət platforması vasitəsilə deyil, həmçinin, banklar və investisiya şirkətlərinin məlumat sistemlərinə tam inteqrasiya yolu ilə də yaymaq xüsusi əhəmiyyət kəsb edir”, – deyə o qeyd edib.