Bakıda 213 binada istilik xidməti alan mənzillərin sayı 10-dan azdır

Bakıda ümumilikdə 213 binada istilik təchizatı xidmətlərindən istifadə edən mənzillərin sayı hər bina üzrə 10 və ya daha az olub.

"Report" xəbər verir ki, bu qənaətə Hesablama Palatası 2025-ci il üzrə İş Planına uyğun olaraq "Azəristiliktəchizat" ASC-də aparılan uyğunluq auditindən sonra gəlib.

Ümumilikdə isə 4 670 mənzildə istilik xidməti alanların xüsusi çəkisi 20 %-dən aşağı olub.

Palata qeyd edib ki, bu vəziyyət illərdir istilik təchizatı sisteminin modernləşdirilməsinin və abonent bazasının genişləndirilməsinin lazımi səviyyədə həyata keçirilməməsi ilə bağlıdır.