"Azərnəşr"in zərəri kəskin azalıb

“Azərbaycan” dövlət nəşriyyatı (“Azərnəşr”) 2019-cu ili 98 min manat zərərlə başa vurub.

“Report” qurumun maliyyə hesabatına istinadən xəbər verir ki, bu, 2018-ci ilə nisbətən 4,6 dəfə azdır.

Bununla belə, qurumun yığılmış zərəri 1,6% artaraq 6,197 milyon manata çatıb.

Bu il yanvarın 1-nə "Azərnəşr"in aktivləri 26,33 milyon manat olub ki, bu da illik müqayisədə 5,9% çoxdur. Hesabat dövründə qurumun öhdəlikləri 29,2% artaraq 6,907 milyon manata çatıb, balans kapitalı isə 0,5% azalaraq 19,423 milyon manata düşüb.

Xatırladaq ki, “Azərnəşr” 1923-cü ildən fəaliyyət göstərir. Onun nizamnamə kapitalı 4,742 milyon manatdır.