Azərbaycanda xaricilərin bank kartları ilə xərcləmələri 9 % azalıb

Bu ilin yanvar-iyun aylarında əcnəbilər Azərbaycanda bank kartları vasitəsi ilə 999,9 milyon manatlıq əməliyyat aparıb.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın iyul sayında bildirilib.

Sənədə əsasən, bu, 2022-ci ilin eyni dövrü ilə müqayisədə 9,1 % azdır.

Təkcə bu ilin iyun ayında isə xarici vətəndaşların bank kartları vasitəsi ilə ölkəmizdə apardıqları əməliyyatların dəyəri 148,6 milyon manat təşkil edib. Bu da 1 il əvvələ nisbətən 27 % azdır.