Azərbaycanda dövlət xətti ilə yanvarda 8,8 milyon manat ipoteka krediti verilib

Bu ilin yanvar ayında İpoteka və Kredit Zəmanət Fondunun (İKZF) xətti ilə 8,8 milyon manat kredit verilib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 36,7 % azdır.

Qeyd edək ki, belə azalmanın səbəbi dövlət büdcəsindən banklara ayrılan vəsaitdən fevral ayında kreditləşməsinə başlanması ilə bağlıdır. Ötən ilin yanvar ayında isə bu prosesə yanvarda başlanmışdır.

Hesabat dövründə Fondun yenidən maliyyələşdirdiyi kreditlərin məbləği isə 38,4 % artaraq 29,9 milyon manat olub.

Yanvarda İKZF istiqraz buraxmaqla vəsait cəlb etməyib.