Yüksək Liqa: “Azərreyl” liderliyi ələ keçirib

Kişi voleybolçulardan ibarət “Azərreyl” klubu Azərbaycan çempionatında liderliyi ələ keçirib.

“Report”un məlumatına görə, adıçəkilən komanda Yüksək Liqanın IX turunda MOİK-i məğlub edərək, buna nail olub.

Gənclər və İdman Nazirliyinin Voleybol Mərkəzində keçirilən turun açılış matçında rəqibinə 3:0 (25:10, 25:11, 25:22) hesabı ilə qalib gələn “Azərreyl” xallarının sayını 18-ə çatdırıb. Sonuncu pillədəki MOİK isə yenə xalsız qalıb.