Rusiyada vəfat edən basketbolçunun ölüm səbəbi açıqlanıb

Rusiyada vəfat edən latviyalı basketbolçu Yanis Timmanın ölüm səbəbi açıqlanıb.

"Report" “RİA Novosti”yə istinadən xəbər verir ki, 32 yaşlı oyunçunun intihar etdiyi bəlli olub.

Bu, hüquq-mühafizə orqanlarının araşdırmasından sonra müəyyənləşib.

Basketbolçunun ölümünün digər versiyalarının təsdiqlənmədiyi bildirilir.

Qeyd edək ki, dekabrın 17-də Yanis Timman Moskvadakı oteldə ölü tapılıb.