Rusiyada başına şayba dəyən xokkeyçi dünyasını dəyişdi

Rusiyanın MHK "Dinamo" komandasının xokkeyçisi Timur Fayzutdinov dünyasını dəyişib.

"Report" yerli mətbuata istinadən xəbər verir ki, oyunçu 19 yaşında vəfat edib.

Fayzutdinov Xarlamov Kubokunda "Loko"ya 1:5 hesabı ilə uduzduqları görüşdə başından xəsarət alıb. Oyun vaxtı xokkeyçinin başına şayba dəyib. Daha sonra o, reanimasiyaya yerləşdirilib.

Həkimlər üç gün onun həyatını xilas etməyə çalışıblar, lakin müsbət dinamika əldə edə bilməyiblər.