NBA basketbolçusu Bakıda stritbol üzrə master-klass keçirəcək

Bakı. 10 iyun. REPORT.AZ/ UNİCEF Bakıda stritbol üzrə uşaqlar arasında master-klass və çempionat təşkil edir (basketbol 3*3). "Report" xəbər verir ki, tədbirlər uşaqların idman potensialının müəyyən edilməsi və təhlükəsiz inklüziv idmanın aktivləşdirilməsi məqsədilə təşkil olunub. 

Qeyd edək ki, tədbir iyunun 12-28-də Bakıda keçiriləcək İ Avropa Oyunlarının vaxtına salınıb. 

Uşaqlar üçün stritbol üzrə master-klassı Milli Basketbol Assosiasiyasında oynayan məşhur ispan basketbolçusu Xose Manuel Kalderon keçirəcək.