Kişi voleybolçular arasında Azərbaycan Yüksək Liqasında VII tura bu gün start verilir

Kişi voleybolçular arasında Azərbaycan Yüksək Liqasında bu gün VII tura start veriləcək.

"Report"un məlumatına görə, ilk oyun günündə iki matç keçiriləcək.

"Gənclər" MOİK-lə, "Xilasedici" "Neftçi" ilə üz-üzə gələcək. Hər iki qarşılaşma saat 16:00-da start götürəcək. Görüşlər müvafiq olaraq Sumqayıt Olimpiya İdman Kompleksi və Fövqəladə Hallar Nazirliyinin idman zalında təşkil ediləcək.

Qeyd edək ki, tura yanvarın 23-də gerçəkləşəcək “Azərreyl” - “Murov Az Terminal” oyunu ilə yekun vurulacaq.