Azərbaycan Basketbol Liqasında "Sərhədçi" "Naxçıvan" üzərində qələbə qazanıb

Azərbaycan Basketbol Liqasının VIII turunda "Sərhədçi" "Naxçıvan" üzərində qələbə qazanıb.

"Report" xəbər verir ki, A qrupunun "Sərhədçi" İdman Kompleksində keçirilən görüşü meydan sahiblərinin 86:65 hesablı qələbəsi ilə yekunlaşıb.

Qeyd edək ki, bu gün A qrupunda keçirilən "Sabah" - "Abeşron" qarşılaşması Rimas Kurtinaytisin rəhbərlik etdiyi komandanın 94:71 hesablı qələbəsi ilə yekunlaşıb. B qrupunda isə "Lənkəran" evdə "Quba"ya 60:89 hesabı ilə uduzub. A qrupunun dünən baş tutan “Neftçi” - NTD görüşündə isə "ağ-qaralar" qələbə qazanıb - 81:68. Tura sabah B qrupunda keçiriləcək “Gəncə” - “Ordu” və “Sumqayıt” - “Şəki” matçları ilə yekun vurulacaq.