Əvvəlki Ələt-Astara yolunun Biləsuvar və Cəlilabaddan keçən hissəsi keçilməz hala düşüb

Ələt-Astara yolunun Biləsuvar və Cəlilabad rayonları ərazisindən keçən hissəsi qəzalı vəziyyətdədir.

Bu barədə "Report"un yerli bürosuna sürücülər və sərnişinlər məlumat veriblər.

Onların sözlərinə görə, bu yolda addımbaşı çala-çuxura rast gəlinir: "Düzdür vaxtaşırı bəzi yerlərdə təmir işləri aparılır. Lakin bu kifayət deyil. Gərək bu yol yenidən qurulsun. Yoldan istifadə edən zaman əziyyət çəkirik. Maşınımız tez-tez xarab olur".

Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli bildirib ki, problem mərhələli şəkildə həll ediləcək: "Yaxın vaxtlarda ilkin olaraq bu yolun Biləsuvar rayonundan keçən hissəsində işlərə başlanılacaq".