Bu gündən Bakının 2 rayonunda suyun verilməsində fasilə yaranacaq

Bu gün 22:00-dan - sabah 11:00-dək Bakının Nəsimi və Yasamal rayonlarının bəzi ərazilərinə suyun verilməsində fasilə yaranacaq.

"Report" bu barədə Azərbaycan Dövlət Su Ehtiyatları Agentliyinin tabeliyindəki İri Şəhərlərin Birləşmiş Su Təchizatı Xidmətinə istinadən xəbər verir.

Məlumata görə, fasilə magistral su xəttində baş verən qəzanın aradan qaldırılması işləri ilə bağlıdır.