“Bakı Payızı-2023 - 35 il sonra”nın məşqləri keçirilib, bloger və sənətçilər üçün müsabiqə elan olunub

“Bakı Payızı-2023 - 35 il sonra” istedadlar müsabiqəsinin məşqləri keçirilir.

“Report”un xəbərinə görə, məşqləri izləmək üçün sənət adamları və blogerlər dəvət edilib.

Daha sonra sənət adamları və blogerlər üçün müsabiqə elan olunub. Belə ki, həmin şəxslərin iticket.az-da promokodu olacaq. Sonda hansının promokodu vasitəsilə ən çox bilet alınarsa, həmin şəxs mükafatlandırılacaq.

Qeyd edək ki, noyabrın 3-də "Bakı payızı 2023 - 35 il sonra" yarışmasının qaliblərinin mükafatlandırma mərasimi keçiriləcək.

Konsertdə 5 müxtəlif janr üzrə qaliblər birlikdə səhnəyə çıxacaq, iştirakçılara qələbə bəxş edən yeni mahnılar səsləndiriləcək. Qruplar ən yaxşı xoreoqraflarla, vokalçılar orijinal janrın ən uğurluları ilə, yeni ulduzlar estradamızın məşhurları və ən çox sevdiyiniz müğənnilərlə duet oxuyacaqlar.

Tədbirin dəstəkçisi "Nizami Boutique House" layihəsidir.

Xatırladaq ki, konsert proqramı noyabrın 3-ü saat 19:00-da Heydər Əliyev sarayında baş tutacaq.