Bill Pouçer: "Rəqəmsal şirkətlər qlobal ÜDM-nin 14 trilyon dollarını təmin edir"

Bu gün qlobal ümumi daxili məhsulun (ÜDM) təxminən 14 trilyon ABŞ dolları rəqəmsal xidmətlərdən tamamilə asılı olan şirkətlərin payına düşür.

"Report" xəbər verir ki, bunu Beynəlxalq Universitetlərarası Proqramlaşdırma Müsabiqəsi (ICPC) fondunun prezidenti Bill Pouçer Bakıda keçirilən ICPC-nin Dünya Finalına həsr olunmuş mətbuat konfransında bildirib. 

"Mən kiçik bir araşdırma apardım və müəyyən etdim ki, qlobal ÜDM-nin 14 trilyon ABŞ dollarını fəaliyyəti tamamilə rəqəmsal xidmətlərə əsaslanan şirkətlər formalaşdırır. Bir neçə il əvvəl mən bu prosesi "rəqəmsal minillik" adlandırırdım. İnanıram ki, innovasiyalar məhz bu istiqamətdə inkişaf etməyə davam edəcək", - B. Pouçer qeyd edib.