Azərbaycanın İKT sektorunda qadın sahibkarların sayı 10 %-ə yaxın artıb

Bu ilin iyul ayının 1-nə olan məlumata görə, Azərbaycanda informasiya və rabitə (İKT) sektorunda fəaliyyət göstərən fərdi sahibkarların sayı 14 min 193 nəfər təşkil edib.

“Report” Dövlət Statistika Komitəsinə istinadən xəbər verir ki, bu, bir il əvvəlki göstəricidən 766 nəfər və ya 5,7 % çoxdur.

Hesabat dövründə kişi sahibkarların sayı 4,7 % artaraq 11 min 182 nəfərə, qadın sahibkarların sayı isə 9,7 % artaraq 3 min 11 nəfərə çatıb.

Xatırladaq ki, bu ilin əvvəlinə Azərbaycanda İKT sektorunda fəaliyyət göstərən fərdi sahibkarların sayı 13 min 919 nəfər olub ki, bunun da 2 min 909-nu qadın sahibkarlar təşkil edib.