Azərbaycanda kompüterlərin bazar payı 31 % azalıb

Bu ilin may ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 72,17 % təşkil edib.

“Report”un “Statcounter” agentliyinin may hesabatına istinadən verdiyi məlumata görə, bu, aprelə nisbətən 1,69 faiz bəndi az, bir il əvvəlki göstərici ilə müqayisədə isə 12 faiz bəndi çoxdur.

Kompüterlərin bazar payı müvafiq olaraq 1,74 faiz bəndi artaraq və 11,8 faiz bəndi azalaraq 26,88 %-ə çatıb. Beləliklə son bir ildə elektron cihaz bazarında kompüterlərin payı 31 % azalıb.

Mayda planşetlərin bazar payı 0,95 %-də qərarlaşıb ki, bu da aprelə nisbətən 0,05 faiz bəndi, bir il əvvəlki göstərici ilə müqayisədə isə 0,21 faiz bəndi azdır.