Azərbaycan-Cənubi Koreya Birgə Komissiyasının növbəti iclası keçiriləcək

Azərbaycan və Cənubi Koreya arasında iqtisadi əməkdaşlıq üzrə Birgə Komissiyanın fəaliyyəti və növbəti iclasın keçirilməsi haqqında müzakirələr aparılıb.

"Report" xəbər verir ki, bunu rəqəmsal inkişaf və nəqliyyat naziri Rəşad Nəbiyev "X" sosial şəbəkəsindəki hesabında bildirib.

Onun sözlərinə görə, müzakirələr Koreyanın ölkəmizdəki səfiri Kang Kymgu ilə görüşdə baş tutub.

"Süni intellekt, kibertəhlükəsizlik, rəqəmsallaşma sahələrində əməkdaşlığın genişləndirilməsi, ölkələrimiz arasında birbaşa uçuşların təşkili, həmçinin Koreya şirkətlərinin Azərbaycanda aktiv iştirak imkanları barədə fikir mübadiləsi apardıq",- deyə nazir qeyd edib.