Yuxarı

Azərbaycanda “Kəlbəcər” adlı tanker istifadəyə veriləcək

​Azərbaycanda “Kəlbəcər” adlı tanker istifadəyə veriləcək
© Report / Firi Salim

“Bakı Gəmiqayırma Zavodu” MMC-də inşa olunan “Kəlbəcər” adlı növbəti tankerin gələn il istifadəyə verilməsi gözlənilir.

“Report” xəbər verir ki, bu barədə tankerin sifarişçisi olan “Azərbaycan Xəzər Dəniz Gəmiçiliyi”nin QSC-nin (ASCO) mətbuat xidmətinin rəhbəri Mehman Mehdiyev məlumat verib.

“Kəlbəcər” adlı tankerin hazırlanması ilə Azərbaycanın bütün işğal olunmuş rayonlarının adlarının tankerlərə verilməsi başa çatacaq”, - o qeyd edib.

“Bu tanker də maksimum yüklə Volqa-Don kanalı ilə dünya sularında, həm də Xəzər dənizində hərəkət edəcək. Hazırda dünya sularında Azərbaycan bayrağı altında üzən 14 gəmimiz var. Onlardan 12-si quru yük gəmisi, 2-si isə tankerdir”, - ASCO rəsmisi əlavə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi