Döyüşə böyük coşqu ilə gedirlər: "Qələbə ilə qayıdacağıq"

Azərbaycanda qismən səfərbərlik elan edilməsi ilə əlaqədar olaraq, Səfərbərlik və Hərbi Xidmətə Çağırış üzrə Dövlət Xidməti tərəfindən ehtiyatda olan hərbi vəzifəlilərin hərbi hissələrə yola salınması davam etdirilir.

“Report”un çəkiliş qrupu Dövlət Xidmətinin Bakıdakı bölmələrindən birində olub, döyüşə yola düşənlərin və onların yaxınlarının təəssüratlarını öyrənib.

Cəbhə bölgəsinə göndərilən gənclər qələbə əzmi ilə yola düşdüklərini, onların yaxınları isə buna görə həm həyəcan, həm də qürur hissi keçirtdiklərini deyiblər.

Foto və video: Elçin Murad