Yevlaxda maşın aşıb, xəsarət alan var

Yevlaxda yol-nəqliyyat hadisəsi baş verib.

"Report"un bölgə müxbirinin verdiyi məlumatına görə, hadisə Yevlax- Ağdam yolunun Yevlax rayonu ərazisindən keçən hissəsində qeydə alınıb. Hərəkətdə olan "VAZ-21015" markalı avtomobil idarəetmədən çıxaraq yol kənarındakı ağalıq əraziyə aşıb. Qəza nəticəsində avtomobilin sürücüsü, 1993-cü il təvəllüdlü Elmar Balaşlı xəsarət alıb. O, xəstəxanaya yerləşdirilib. Onun vəziyyətinin ağır olduğu bildirilir.

Faktla bağlı araşdırma aparılır.