Yuxarı

Xızıda fabrik sürücüsünü döyərək, öz maşını ilə 200 metr sürüyüblər

Xızıda fabrik sürücüsünü döyərək, öz maşını ilə 200 metr sürüyüblər

Xızı. 23 fevral. REPORT.AZ/ Xızıda fabrik sürücüsünü döyərək, öz maşını ilə 200 metr sürüyüblər.

"Report"un yerli bürosunun verdiyi məluma görə, hadisə "Giləzi Quşçuluq fabriki"ndə baş verib.

Belə ki, həmin fabrikdə sürücü kimi çalışan 1955-ci il təvəllüdlü Mail Məhərrəm oğlu Əliyev bir neçə şəxs tərəfindən döyülüb. Məlumata görə, M. Əliyev fabrikdə çalışan şəxslərlə mübahisə edib.

Mübahisə sonradan əlbəyaxa davaya çevrilib. Həmin şəxslər sürücünü döydükdən sonra onu öz avtomobilinə bağlayaraq, təxminən 200 metr sürüyüblər.

63 yaşlı kişi ağır vəziyyətdə Sumqayıt şəhər TTYX-a çatdırılıb. Hazırda onun vəziyyətinin orta ağır olduğu bildirilir.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi