Salyanda yol qəzası olub, ölən var

Salyanda baş verən yol qəzasında bir nəfər ölüb.

"Report"un Aran bürosunun məlumatına görə, hadisə səhər saatlarında köhnə Ələt-Astara magistral yolunun rayonun Aşağı Kürkəndi kəndindən keçən hissəsində qeydə alınıb.

İlkin məlumata görə, iki avtomobilin toqquşması nəticəsində Neftçala rayonunun Xıllı qəsəbə sakini, 1988-ci il təvəllüdlü İbrahimov Zeyqəm Kamil oğlu ölüb.

Hadisə yerinə FHN-in xilasediciləri cəlb olunub.

Faktla bağlı araşdırma aparılır.