İmişlidə çınqıl karxanasında ölüm olub

İmişlidə çınqıl karxanasında bədbəxt hadisə baş verib.

"Report"un Muğan bürosunun məlumatına görə, hadisə rayon ərazisində yerləşən karxanalardan birində qeydə alınıb.

Belə ki, Sabirabad rayon sakini, 1966-cı il təvəllüdlü Mansur Hüseyn oğlu Həsənov yük maşınına çınqıl yükləyən zaman baş nahiyəsindən ağır xəsarət alıb. Yaralı xəstəxanaya aparılan zaman yolda dünyasını dəyişib.

Faktla bağlı araşdırma aparılır.