Gəncədə avtomobil 16 yaşlı velosipedçini vurub

Gəncə şəhərində xəsarətlə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə Yeni Gəncə qəsəbəsində qeydə alınıb.

"VAZ" markalı avtomobil velosipedlə hərəkətdə olan 2008-ci il təvəllüdlü O.Sadıqovu vurub. Müxtəlif bədən xəsarətləri alan velosipedçi xəstəxanaya yerləşdirilib. Onun vəziyyəti orta ağır qiymətləndirilir.

Faktla bağlı araşdırma aparılır.