Gəncədə 22 yaşlı gənci bıçaqlayanın istintaqı başa çatıb

Gəncə şəhərində adamöldürməyə cəhddə təqsirləndirilən Elnur Qənbərovun cinayət işi üzrə ibtidai istintaq başa çatıb.

“Report” xəbər verir ki, cinayət işi baxılması üçün Gəncə Ağır Cinayətlər Məhkəməsinə göndərilib.

Hakim Faiq Mahmudovun icraatında olan iş üzrə hazırlıq iclası iyunun 2-də keçiriləcək.

Qeyd edək ki, cinayət hadisəsi ötən ilin dekabr ayında Gəncə şəhəri Nəriman Nərimanov prospektində baş verib.

İttihama görə, E.Qənbərov 22 yaşlı Əli Zalovu bıçaqlayıb.

Ona Cinayət Məcəlləsinin müvafiq maddəsi ilə ittiham verilib.