Gədəbəydə evdə partlayış olub, xəsarət alan var

Gədəbəydə evdə partlayış olub.

"Report"un Qərb bürosunun məlumatına görə, rayonun Samanlıq kəndində baş vermiş hadisə nəticəsində 83 yaşlı Musayev Əbülfəz İsa oğlu ağır xəsarətlər alıb.

O, öncə Gədəbəy Mərkəzi Rayon Xəstəxanasına, daha sonra Bakı şəhərində yerləşən xəstəxanalardan birinə yerləşdirilib.

İlkin ehtimala görə, partlayış qaz sızması nəticəsində baş verib.

Faktla bağlı araşdırma aparılır.