DİN: "Qala divarlarını yazan məktəblilərə xəbərdarlıq edilib"

DİN: "Qala divarlarını yazan məktəblilərə xəbərdarlıq edilib" Daxili İşlər Nazirliyi (DİN) İçərişəhərin qədim Qala divarlarının üzərinə mətkətblilər tərəfindən qrafiklər çəkilməsinə münasibət bildirib.
Hadisə
564
11 Noyabr , 2021 10:29
DİN: Qala divarlarını yazan məktəblilərə xəbərdarlıq edilib

Daxili İşlər Nazirliyi (DİN) İçərişəhərin qədim Qala divarlarının üzərinə mətkətblilər tərəfindən qrafiklər çəkilməsinə münasibət bildirib.

DİN-in Mətbuat Xidmətinin rəisi, polis polkovniki Ehsan Zahidov “Report”un sorğusuna cavab olaraq bildirib ki, Qala divarlarına naməlum şəxslər tərəfindən şəkillərin, qrafiklərin çəkilməsi və müxtəlif yazıların yazılması ilə bağlı polis əməkdaşları dərhal tədbirlər həyata keçirib:

“Araşdırma zamanı müəyyən edilib ki, Qala divarlarını noyabrın 7-si saat 16 radələrində Səbail rayonu ərazisində yerləşən məktəblərin birinin şagirdləri – P.Bayramlı, M.Məmmədli və D.Verstakov yazıb. Həmin şəxslər birlikdə mağazadan müxtəlif boyalar alaraq, əraziyə gəliblər. Daha sonra məktəblilər Qala divarlarında şəkillər, qrafiklər çəkib, müxtəlif yazılar yazıblar.

Hadisədən sonra hər üç şəxs valideynləri ilə birlikdə polis bölməsinə çağırılıb, onlarla profilaktiki söhbətlər aparılıb, xəbərdarlıq edilib, daha sonra sərbəst buraxılıblar. Mətkəblilərin çəkdikləri şəkillərin mütəxəssislər tərəfindən divarlardan pozulması üçün tədbirlər görülür. Həmçinin Qala divarlarına dəymiş ziyanın məbləği də araşdırılır”.

“Valideynlərə tövsiyə edirik ki, övladlarına Azərbaycanın tarixi abidələrinə hörmətlə yanaşmalarını təbliğ etsinlər”, - o vurğulayıb.

Son xəbərlər

Orphus sistemi