Binəqədi rayonunda iki avtomobil toqquşub, xəsarət alan var

Xocasən qəsəbəsində xəsarətlə nəticələnən yol qəzası baş verib.

"Report"un məlumatına görə, mənzil kommunal təsərrüfatına məxsus zibil tullantıları daşıyan maşınla "Kamaz" markalı yük avtomobili toqquşub.

Hadisə zamanı "Kamaz"da olan sərnişin, Masallı rayon sakini, 31 yaslı Cəbiyev Ruhan Vəliağa oğlu müxtəlif dərəcəli bədən xəsarətləri alıb. Yaralı təcili yardımın köməyi ilə xəstəxanaya çatdırılıb.

Hadisənin təfərrüatı araşdırılır.

Ramin Şahbazov