Bərdədə baş verən ağır qəzada bir nəfər ölüb, iki nəfər xəsarət alıb

Bərdə rayonunda bir nəfərin ölümü ilə nəticələnən ağır yol-nəqliyyat hadisəsi baş verib.

"Report"un Qarabağ bürosunun xəbərinə görə, hadisə Yevlax-Bərdə magistral yolunun rayonun Gərənə kəndi ərazisindən keçən hissəsində qeydə alınıb.

Belə ki, "Mercedes" və "VAZ 2106" markalı avtomobillər toqquşub. Nəticədə Elməddin Ocaqverdiyev hadisə yerində ölüb, Musayev Vasif İsfənsiyar oğlu və Əhmədov Elçin Kamil oğlu müxtəlif dərəcəli bədən xəsarətləri ilə Bərdə Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.